A xerente do Inorde participa na Feira “Emprego inCampus”, organizada pola Universidade de Vigo no Campus de Ourense

A xerente do Inorde, Emma González, participou hoxe, na Feira “Emprego inCampus”, que organiza a Universidade de Vigo no Campus de Ourense.

Emma González compartiu espazo cos representantes de Grupo Cuevas, Aceites Abril e Grupo Coren, para analizar os riscos das consecuencias da pandemia e da guerra de Ucrania no sector agroalimentario. A mesa redonda estivo moderada pola vicerreitora do Campus de Ourense, Elena Rivo.

A xerente do Inorde reivindicou o papel  do Centro de Desenvolvemento Agrogandeiro que ten este organismo na comarca da Limia, “a máis agrícola de Galicia, desde onde prestamos apoio e asesoramento ao sector primario provincial”.

Emma González propuxo que para combater os retos aos que debe facer fronte o sector primariocomo son: o despoboamento, o abandono das terras ou a falta de man de obra cualificada, “debemos propoñerlle a mocidade que herde explotacións agrogandeiras no noso territorio, que poden mantelas e compaxinalas coa súa profesión, apostando por medios como a dixitalización, o que nos permitirá que aposten polo noso rural e manteñan en funcionamento esas pequenas empresas”.

“O futuro pasa polo fomento da biodiversidade, manter a salubridade dos nosos solos, implementar a dixitalización que permita tomar datos sobre os elementos da nosa terra para poder tomar as medidas necesarias para garantir a calidade das nosas producións, e apostar pola economía circular”, concluía a xerente do Inorde.

Print Friendly, PDF & Email
In this article:
Share on social networks:
Print Friendly, PDF & Email