O INORDE APOSTA POLOS EMPRENDEDORES PARA A CREACIÓN DE EMPREGO EN VALDEORRAS

25 emprendedores concluíron o Programa de Formación “AUTOEMPREGO E CONSOLIDACIÓN EMPRESARIAL” posto en marcha dentro do convenio de colaboración entre a Fundación INCYDE e o INORDE.

O acto de clausura contaba coa presenza do presidente do INORDE, Rosendo Fernández, o subdirector xeral de INCYDE, José Mª  Párraga, a  presidenta de  AEVA, Araceli Fernández e o director do Programa, Francisco Navas.

Dos 25 alumnos, 16 son mulleres (64%); en canto aos proxectos desenvoltos, o 56 % son de emprendedores, mentres que un 44% decántanse pola consolidación dos seus negocios actuais.

Destacan os negocios que se dedican a aproveitar e comercializar produtos endóxenos con ideas innovadoras: castañas, viñedo, plantas medicinais e aromáticas, arandos, medio ambiente, oliveiras, pistachos e mel entre outros.

O sector terciario é o máis representativo dos proxectos de consolidación; atopámonos #ante negocios de venda de recambios de automoción, distribución de material de ferraxería, servizos persoais como persoal trainer, veterinarios, comercio de roupa comerciante polo miúdo, formación, blogue de cociña, entre outros.

Rosendo Fernández confirmou  así a aposta de INORDE de promover a actividade económica e facilitar a creación de empresas, destacando que o obxectivo é proporcionar a emprendedores e empresarios unha visión global das distintas áreas funcionais da empresa co fin de determinar oportunidades de mercado e desenvolver o plan de empresa ou, no seu caso o plan de mellora.

Pola súa banda, José Mª Párraga, sinalou que esta acción desenvolta por INCYDE enmárcase dentro do Programa Operativo de Emprego, Formación e Educación 2014-2020, cuxo obxectivo é impulsar iniciativas empresariais e a súa consolidación e sustentabilidade, xa que a Fundación dispón de metodoloxía , equipo técnico e material necesario para desenvolver Programas Formativos no campo do Emprendemento.

 

 

O Programa desenvolveuse desde o 3 de xuño no Barco de Valdeorras, cunha duración de 8 semanas de formación continua, das cales destaca que a maior parte son titorías individualizadas para cada proxecto, sendo o resto das horas empregadas en sesións conxuntas de contidos xerais: dirección de proxectos, márketing, promoción e comercialización, creatividade, innovación e transferencia de tecnoloxía, aplicacións informáticas (xestión da información), internet e redes sociais; xurídico fiscal, finanzas, calidade, prevención de riscos e medio ambiente e igualdade de oportunidades.

Tanto os contidos teóricos como os prácticos foron impartidos por expertos da Fundación INCYDE,   con Francisco Navas como director do Programa, adaptáronse á formación previa e aos coñecementos dos participantes que contaron en todo momento co apoio dun titor.

No acto de clausura, dous alumnos presentaron o seu proxecto de empresa, froito dos conceptos e formación do Curso. Por unha banda, Jorge Barredo, explicou aos presente o seu proxecto “Embárcache”, empresa dedicada á organización de eventos artísticos, mentres que Mª del Mar Rodríguez deu a coñecer o seu negocio de decoración de interiores.

 

Print Friendly, PDF & Email
In this article:
Share on social networks:
Print Friendly, PDF & Email