O Inorde lidera un proxecto europeo para mellorar as políticas públicas sobre patrimonio cultural


Mañá venres ten lugar unha xornada de traballo sobre “Financiamento, modelos de negocio e gobernanza do patrimonio cultural” organizado dentro do proxecto “ Keep on”; o obxectivo é proporcionar inspiración para garantir a sustentabilidade financeira e de xestión dos bens do patrimonio cultural.

O Inorde, organismo dependente da Deputación de Ourense, lidera o proxecto europeo “ Keep on”, cuxa finalidade é mellorar as políticas públicas sobre patrimonio cultural. Para analizar estes aspectos, mañá venres terá lugar unha xornada de traballo que tratará o tema “Financiamento, modelos de negocio e gobernanza do patrimonio cultural” organizado dentro do proxecto “ Keep on”, Interreg Europa, cuxo obxectivo é proporcionar inspiración para garantir a sustentabilidade financeira e de xestión dos bens do patrimonio cultural.

O proxecto, do que é xefe de filas o Inorde, ten como socios a representantes das rexións e municipios europeos de Ś wię tokrzyskie (Polonia), Paggaio (Grecia), s- Hertogenbosch (Países Baixos), e a entidades como Association of Rexional Development of Alto Tâmega’ s Region (Portugal), Axencia de Desenvolvemento de Langhe Monferrato e Roero (Italia) e o Instituto de Desenvolvemento e Relacións Internacionais (Croacia).

O importe total de proxecto é de 1.370.543 euros e o orzamento do Inorde, 316.840 euros. O financiamento corresponde un 15 % ao Inorde e un 85 % ao Programa Interreg Europa (FEDER), sendo a duración do proxecto de cinco anos. O obxectivo principal do proxecto KEEP ON é mellorar as políticas públicas en materia de patrimonio cultural para desenvolver proxectos de alta calidade que permitan obter resultados sostibles coa utilización razoable de fondos públicos e que teñan un impacto duradeiro no desenvolvemento rexional, así como aumentar a efectividade das políticas públicas para proxectos duradeiros e auto-sostibles no sector do patrimonio cultural, tanto nas rexións que participan no proxecto, como noutros territorios da Unión Europea.

Na xornada de mañá, que terá lugar entre as 10.00 e as 13.00 horas, abordaranse temas como os principais retos da sustentabilidade do patrimonio cultural; modelos de negocio innovadores de financiamento e xestión do patrimonio cultural; aspectos financeiros, de gobernanza e innovadores dos edificios do patrimonio cultural, e a cultura como instrumento para a construción masiva: comunicación dos valores culturais ao público e aos responsables políticos, entre outros temas.