{"id":3970,"date":"2021-05-15T10:21:36","date_gmt":"2021-05-15T10:21:36","guid":{"rendered":"http:\/\/inorde.com\/?p=3970"},"modified":"2021-05-15T10:21:36","modified_gmt":"2021-05-15T10:21:36","slug":"o-inorde-conmemorara-o-dia-internacional-dos-museos-cunha-xornada-de-portas-abertas-nos-seus-espazos-expositivos","status":"publish","type":"post","link":"https:\/\/inorde.com\/en\/o-inorde-conmemorara-o-dia-internacional-dos-museos-cunha-xornada-de-portas-abertas-nos-seus-espazos-expositivos\/","title":{"rendered":"O Inorde conmemorar\u00e1 o \u201cD\u00eda Internacional dos Museos\u201d cunha xornada de portas abertas nos seus espazos expositivos"},"content":{"rendered":"

O vindeiro martes, 18 de maio, con motivo desta efem\u00e9ride, abrirase o Museo do traxe tradicional galego e o Museo do Autom\u00f3bil \u2013 Fundaci\u00f3n Estanislao Reverter na estaci\u00f3n de Santa Cruz de Arrabaldo, o Museo Moncho Borrajo en Ba\u00f1os de Molgas e a Aula-Museo do Ferrocarril na estaci\u00f3n dos Peares<\/strong><\/p>\n\n\n\n

Os interesados en co\u00f1ecer estes espazos muse\u00edsticos poder\u00e1n visitalos desde as 17.00 \u00e1s 20.30 horas<\/strong><\/p>\n\n\n\n

Ourense, 15 de maio de 2021.-<\/strong>O Inorde conmemorar\u00e1 o \u201cD\u00eda Internacional dos Museos\u201d, o vindeiro martes, 18 de maio, cunha xornada de portas abertas nos seus espazos expositivos. Por elo, abrirase ao p\u00fablico, con motivo desta efem\u00e9ride, o Museo do traxe tradicional galego e o Museo do Autom\u00f3bil \u2013 Fundaci\u00f3n Estanislao Reverter na estaci\u00f3n de Santa Cruz de Arrabaldo, o Museo Moncho Borrajo en Ba\u00f1os de Molgas e a Aula-Museo do Ferrocarril na estaci\u00f3n dos Peares. <\/strong>Os interesados en co\u00f1ecer estes espazos expositivos poder\u00e1n facelo desde as 17.00 \u00e1s 20.30 horas.<\/p>\n\n\n\n

Na estaci\u00f3n de ferrocarril de Santa Cruz de Arrabaldo at\u00f3pase o Museo do traxe tradicional galego que nace da necesidade de dar un espazo expositivo ao material etnogr\u00e1fico relacionado coa vestimenta tradicional que ao longo dos anos foi recuperando a Escola Provincial de Danza-Castro Floxo, integrada no Centro de Cultura Popular Xaqu\u00edn Lorenzo da Deputaci\u00f3n de Ourense.<\/p>\n\n\n\n

A mostra, en dous espazos claramente diferenciados e ilustrada cuns paneis informativos, ofrece en primeiro lugar unha selecci\u00f3n de traxes tradicionais da segunda metade do s\u00e9culo XIX e principios do s\u00e9culo XX (uns orixinais e outros fieis reproduci\u00f3ns) pertencentes aos diferentes estamentos sociais, dende os ricos traxes de gala ata a humilde indumentaria dos labregos.<\/p>\n\n\n\n

Nunha segunda sala real\u00edzase unha viaxe polo proceso de elaboraci\u00f3n dos tecidos (li\u00f1o e la), dende a obtenci\u00f3n da materia prima ata a s\u00faa transformaci\u00f3n nunha tea, pasando pola preparaci\u00f3n para o fiado, o fiado, o traballo no tear, cunha ampla mostra de material empregado para este traballo.<\/p>\n\n\n\n

As\u00ed mesmo, nesta estaci\u00f3n tam\u00e9n se pode visitar o Museo do Autom\u00f3bil \u2013 Fundaci\u00f3n Estanislao Reverter, no que se recolle o legado deste destacado piloto de rallys, un dos pais do automobilismo galego, falecido en 1991. O Museo recolle a traxectoria deportiva de  Estanislao Reverter e nel exp\u00f3\u00f1ense parte dos fondos da Fundaci\u00f3n Estanislao Reverter. <\/p>\n\n\n\n

O Museo consta de d\u00faas plantas: na planta  superior faise un percorrido pola vida deportiva de \u201cLalao\u201d desde os seus inicios, no ano 1955, ata o seu \u00faltimo  Rallye en 1975 onde a trav\u00e9s de fotos, trofeos, placas, regulamentos e rutometros, rodas dos seus veh\u00edculos, a maqueta restaurada por Marcial L\u00f3pez do Circu\u00edto do Noroeste e diverso material, rep\u00e1sanse os vinte anos en activo como piloto. E, a planta baixa ded\u00edcase \u00e1s outras facetas de \u201cLalao\u201d: creador do  Rallye de Ourense e fundador de Escudar\u00eda Ourense, promotor de pilotos co seu equipo Reverter Competici\u00f3n e  construtor do m\u00edtico Alpinche. Conta cun  Goggomobil, trofeos, unha colecci\u00f3n de coches en miniatura de parte de veh\u00edculos cos que correu  Estanislao, cascos de diferentes \u00e9pocas, revistas, libros, monos de competici\u00f3n e diversas distinci\u00f3ns entre a que destaca a Medalla de Prata ao M\u00e9rito Deportivo e a distinci\u00f3n ao M\u00e9rito Constitucional.<\/p>\n\n\n\n

Na Estaci\u00f3n de ferrocarril de Ba\u00f1os de Molgas, os visitantes poder\u00e1n co\u00f1ecer o Museo Moncho Borrajo, un espazo cultural que recolle a totalidade do legado do artista, con material de atrezzo<\/em>utilizado polo artista ao longo da s\u00faa carreira, premios, obxectos persoais, pinturas, curiosidades as\u00ed como documentaci\u00f3n sobre a s\u00faa vida e as s\u00faas obras; os artigos m\u00e1is representativos da vida cultural e persoal do actor ourens\u00e1n nado en Ba\u00f1os de Molgas. Ademais da s\u00faa biblioteca persoal con m\u00e1is de 3.000 libros. Na sala de Exposici\u00f3ns, que est\u00e1 situada na planta baixa, am\u00f3sase o legado pict\u00f3rico persoal do artista con obras de Dal\u00ed, Sorolla, Laxeiro,\u2026 ademais de exposici\u00f3ns rotativas tem\u00e1ticas.<\/p>\n\n\n\n

Por \u00faltimo, na Estaci\u00f3n dos Peares at\u00f3pase a Aula-Museo do Ferrocarril, unha exposici\u00f3n permanente sobre a historia do ferrocarril en Ourense, situada no antigo peirao de mercador\u00edas. A aula do ferrocarril, concibida como un espazo \u00fanico, est\u00e1 organizada en seis bloques tem\u00e1ticos. Nela os visitantes poden gozar dunha interesante exposici\u00f3n sobre a historia do ferrocarril, con especial atenci\u00f3n \u00e1 estaci\u00f3n de Os Peares: infraestruturas como aparellos e elementos de v\u00eda, sinalizaci\u00f3n, electrificaci\u00f3n\u2026; lampister\u00eda (farois de iluminaci\u00f3n de locomotoras, estaci\u00f3ns, sinalizaci\u00f3n\u2026). A colecci\u00f3n conta ademais con elementos de comunicaci\u00f3n (centrais, reloxos\u2026) uniformes, e compl\u00e9tase con modelismo, xoguetes e arte. Ademais, incorporouse unha nova peza hist\u00f3rica a esta exposici\u00f3n: unha mesa de encravamento da Estaci\u00f3n Ourense Empalme.<\/p>\n\n\n\n

Estes \u201cMuseos das estaci\u00f3ns\u201d de tren que o Inorde ten arrendadas a ADIF, foron rehabilitadas co proxecto europeo de cooperaci\u00f3n transfronteiriza Interreg III-A Espa\u00f1a \u2013 Portugal FEDER.\u00a0O obxectivo da rehabilitaci\u00f3n destas estaci\u00f3ns foi convertelas en enclaves para a revitalizaci\u00f3n econ\u00f3mica, social e cultural das \u00e1reas que a forman, convertendo estas zonas en espazos de lecer, ecoturismo, turismo activo natural e cultural a trav\u00e9s da recuperaci\u00f3n e potenciaci\u00f3n das rutas da V\u00eda da Prata e os cami\u00f1os portugueses, as\u00ed como as v\u00edas xacobeas e a V\u00eda Nova. Todo isto foi posible grazas \u00e1 vinculaci\u00f3n hist\u00f3rica das estaci\u00f3ns cos espazos nos que se establecen, que lles confiren un gran atractivo patrimonial e ambiental convert\u00e9ndoas en factores de gran interese para o desenvolvemento destas comarcas.<\/p>\n\n\n\n