{"id":4285,"date":"2021-09-10T11:39:48","date_gmt":"2021-09-10T11:39:48","guid":{"rendered":"http:\/\/inorde.com\/?p=4285"},"modified":"2021-09-10T11:39:48","modified_gmt":"2021-09-10T11:39:48","slug":"24-produtores-de-galicia-e-portugal-daranse-cita-na-feira-de-produtos-tradicionais-do-eixo-atlantico","status":"publish","type":"post","link":"https:\/\/inorde.com\/en\/24-produtores-de-galicia-e-portugal-daranse-cita-na-feira-de-produtos-tradicionais-do-eixo-atlantico\/","title":{"rendered":"24 produtores de Galicia e Portugal daranse cita na Feira de Produtos Tradicionais do Eixo Atl\u00e1ntico"},"content":{"rendered":"

A presentaci\u00f3n desta iniciativa, que se celebrar\u00e1 os d\u00edas 11 e 12 de setembro no Barco, tivo lugar hoxe no Inorde<\/strong><\/p>\n\n\n\n

O Eixo Atl\u00e1ntico, entidade da que forma parte a Deputaci\u00f3n de Ourense, promove esta Feira para promocionar e vender produtos tradicionais galegos e portugueses<\/strong><\/p>\n\n\n\n

A Feira de Produtos Tradicionais do Eixo Atl\u00e1ntico, Galicia e Norte de Portugal -a segunda feira que se fai en Galicia-, reunir\u00e1 os d\u00edas 11 e 12 de setembro no municipio do Barco, a un total de 24 produtores de ambos territorios cun programa de actividades dese\u00f1ado para promocionar e vender produtos tradicionais galegos e portugueses. A presentaci\u00f3n desta iniciativa tivo lugar hoxe no Inorde, acto no que participou a xerente do Inorde, Emma Gonz\u00e1lez; o secretario xeral do Eixo Atl\u00e1ntico, Xo\u00e1n V\u00e1zquez Mao; o alcalde e o concelleiro de Turismo e Promoci\u00f3n Econ\u00f3mica do municipio do Barco de Valdeorras, Alfredo Garc\u00eda e Eladio Santos, respectivamente.<\/p>\n\n\n\n

A xerente do Inorde dixo que esta iniciativa era \u201co escaparate perfecto para que os nosos produtores poidan promocionar e achegar a numerosos visitantes o seu traballo\u201d e agradeceu o traballo que realiza o Eixo Atl\u00e1ntico con estas actividades que \u201csupo\u00f1en un pulo importante para dinamizar econ\u00f3mica e socialmente os nosos territorios\u201d. As\u00ed mesmo, Emma Gonz\u00e1lez lembrou que o presidente da Deputaci\u00f3n de Ourense, Manuel Baltar, \u00e9 o presidente do Foro Termal do Eixo Atl\u00e1ntico, unha rede de colaboraci\u00f3n creada baixo a coordinaci\u00f3n do Eixo Atl\u00e1ntico, o lobby de cooperaci\u00f3n transfronteiriza m\u00e1is importante entre Espa\u00f1a e Portugal, integrado por 39 entidades que representan a provincias, concellos e c\u00e1maras municipais de \u00e1mbolos dous pa\u00edses.<\/p>\n\n\n\n

Xo\u00e1n V\u00e1zquez Mao destacou o \u201cafortunada\u201d que foi a entrada da Deputaci\u00f3n de Ourense no Eixo Atl\u00e1ntico porque \u201cnos permite traballar conxuntamente no reforzo dos territorios do interior\u201d e explicou que unha das li\u00f1as de traballo m\u00e1is importantes do Eixo \u00e9 a comercializaci\u00f3n e o apoio aos produtores, por elo \u201cfacemos d\u00faas Feiras anuais: unha sempre con sede permanente na provincia de Ourense, no municipio do Barco, e outra que rota polas nosas cidades (este ano foi en Lugo)\u201d.<\/p>\n\n\n\n

Esta Feira, que comeza ma\u00f1\u00e1 s\u00e1bado no Barco, \u201cofrece aos visitantes a oportunidade de adquirir produtos de Galicia e Portugal que non poden comprar en ningunha gran superficie\u201d, sinalou o secretario xeral do Eixo Atl\u00e1ntico, quen destacou o traballo que realiza esta entidade para fixar poboaci\u00f3n no interior e combater a crise demogr\u00e1fica.<\/p>\n\n\n\n

Na feira daranse cita 24 produtores de Galicia e do norte de Portugal \u201cofrecendo unha gran variedade de produtos como vi\u00f1os, conservas, mel, bicas, aceite, queixos, licores e embutidos\u201d, dixo o alcalde do Barco, quen animou \u00e1 veci\u00f1anza ourens\u00e1 a achegarse ao municipio este fin de semana \u201cpara co\u00f1ecer estes produtos elaborados artesanalmente por produtores que demostran que o futuro de Galicia pasa por aproveitar as bondades que nos ofrece o territorio, volvendo non s\u00f3 a vivir ao rural, sen\u00f3n tam\u00e9n a vivir del\u201d.<\/p>\n\n\n\n

O acto de apertura da Feira ter\u00e1 lugar ma\u00f1\u00e1 s\u00e1bado, 11 de setembro, \u00e1s 11.00 horas, no propio recinto feiral (Paseo do Malec\u00f3n) e coa presenza das autoridades locais do municipio do Barco. O horario de apertura do recinto \u00e9 de 11.00 a 14.00 horas e de 17.00 a 21.00 horas.<\/p>\n\n\n\n

Actividades complementarias <\/strong><\/p>\n\n\n\n

Como actividades complementarias \u00e1 propia Feira, program\u00e1ronse d\u00faas sesi\u00f3ns de \u201cCatas no Sil\u201d con vi\u00f1os de Valdeorras e maridaxe con produtos tradicionais do Eixo Atl\u00e1ntico. Para participar nas catas \u00e9 preciso inscribirse previamente, sendo o aforo m\u00e1ximo en cada unha delas de 20 persoas. O s\u00e1bado, 11 de setembro, \u00e1s 20.00 horas, a sumiller Mercedes Gonz\u00e1lez dirixir\u00e1 a cata bautizada “Crep\u00fasculo”, mentres que, o domingo, 12 de setembro, \u00e1s 12.30 horas, celebrarse baixo o t\u00edtulo “Unha ronda caprichosa”. As inscrici\u00f3ns realizaranse a trav\u00e9s do correo: infoturismo@concellodobarco.org<\/a>, e o prezo da cata \u00e9 de 5 euros por persoa que ser\u00e1n abonados na entrada da actividade.<\/p>\n\n\n\n

Durante os dous d\u00edas de celebraci\u00f3n da feira levarase a cabo un obradoiro gratu\u00edto de pirograbado en madeira. A actividade ter\u00e1 lugar o s\u00e1bado e o domingo, de 11.00 a 14.00  horas e de 17.00 a 20.00 horas. O obradoiro \u00e9 gratu\u00edto para o p\u00fablico infantil e adulto e ser\u00e1 impartido polos artes\u00e1ns locais de Artesan\u00eda Enxebre. Os nenos e nenas deber\u00e1n estar acompa\u00f1ados dun adulto e deber\u00e1n inscribirse previamente no correo infoturismo@concellodobarco.org<\/a> para facer a reserva de praza. Os horarios que queden repartiranse durante o desenvolvemento da propia feira.<\/p>\n\n\n\n

As\u00ed mesmo, nas \u00faltimas horas do 11 e o 12 de setembro, de 20.00 a 21.00 horas, farase unha demostraci\u00f3n do oficio para que os visitantes vexan\u00a0\u00a0en directo\u00a0como se realizan as pezas pirograbadas, mentres visitan a feira.<\/p>\n\n\n\n