{"id":3907,"date":"2021-04-19T13:45:42","date_gmt":"2021-04-19T13:45:42","guid":{"rendered":"http:\/\/inorde.com\/?p=3907"},"modified":"2021-04-19T13:45:42","modified_gmt":"2021-04-19T13:45:42","slug":"os-socios-do-proxecto-europeo-circular-labs-lanzan-o-primeiro-curso-mooc-de-economia-circular","status":"publish","type":"post","link":"https:\/\/inorde.com\/es\/os-socios-do-proxecto-europeo-circular-labs-lanzan-o-primeiro-curso-mooc-de-economia-circular\/","title":{"rendered":"Os socios do proxecto europeo Circular Labs lanzan o primeiro curso MOOC de econom\u00eda circular"},"content":{"rendered":"

A actividade, online e gratu\u00edta, foi desenvolta pola EOI e a Universidade de Salamanca (socios do proxecto xunto con outras entidades nas que se atopa o Inorde), e dar\u00e1 a co\u00f1ecer a importancia de transformar o noso actual modelo de Econom\u00eda Lineal nun Modelo Circular<\/em><\/strong><\/p>\n\n\n\n

Ademais, desenvolverase un Living Lab de consumo nunha econom\u00eda circular, o m\u00e9rcores 21 de abril, no que se debater\u00e1 sobre os \u201cModelos de consumo de venta a granel e envases reutilizables\u201d<\/em><\/strong><\/p>\n\n\n\n

Ourense, 19 de abril de 2021.-<\/strong> A Escuela de Organizaci\u00f3n Industrial e a Universidade de Salamanca lanzan o primeiro curso MOOC (Massive Open Online Course) de econom\u00eda circular que ser\u00e1 online e gratu\u00edto e que se impartir\u00e1 en espa\u00f1ol e portugu\u00e9s, no marco do proxecto europeo Circular Labs do que \u00e9 socio o Inorde. O obxectivo desta actividade \u00e9 dar a co\u00f1ecer a importancia de transformar o noso actual modelo de Econom\u00eda Lineal (Producir-Usar-Tirar) nun Modelo Circular de bucle pechado, m\u00e1is propio da natureza, na que practicamente todos os materiais poidan ser reutilizados, formando parte dunha nova cadea de valor.<\/p>\n\n\n\n

O Inorde, co obxectivo de promover a econom\u00eda circular na provincia de Ourense e consciente da s\u00faa importancia no desenvolvemento sostible dos territorios, divulga este curso que est\u00e1 dispo\u00f1ible ata finais de xullo a trav\u00e9s do seguinte enlace: eoi.dicampus.es<\/a>, no que as persoas interesadas poden rexistrarse e acceder \u00e1 formaci\u00f3n.<\/p>\n\n\n\n

O prop\u00f3sito desta iniciativa \u00e9 axudar a comprender a necesidade de conservar, racionalizar e optimizar as materias primas que ofrece a natureza, aplicado tanto ao mundo empresarial como \u00f3 dos diferentes sectores produtivos, o que implica unha nova maneira de pensar, actuar e traballar.<\/p>\n\n\n\n

Durante a formaci\u00f3n abordaranse diferentes temas, desde entender conceptos como o de econom\u00eda circular, simbioses industrial, ecodise\u00f1o ou an\u00e1lise de ciclo de vida, ata aprender como implantar este novo modelo circular na forma de operar das organizaci\u00f3ns co fin de atopar soluci\u00f3ns innovadoras e eficientes. As\u00ed mesmo, exporanse casos reais de empresas e axentes industriais de Espa\u00f1a e Portugal que est\u00e1n a levar a cabo iniciativas circulares de \u00e9xito.<\/p>\n\n\n\n

O MOOC est\u00e1 realizado por expertos na materia, procedentes das rexi\u00f3ns de actuaci\u00f3n do proxecto (Galicia, Castela e Le\u00f3n e norte de Portugal) e profesionais que aplicaron a econom\u00eda circular nas s\u00faas empresas. Incl\u00fae v\u00eddeos animados, notas t\u00e9cnicas, lecturas e cuestionarios de autoavaliaci\u00f3n. Unha vez finalizado, entregarase \u00e1s persoas participantes un certificado expedido pola Escuela de Organizaci\u00f3n Industrial e a Universidade de Salamanca.<\/p>\n\n\n\n

Living Lab de consumo nunha econom\u00eda circular<\/strong><\/p>\n\n\n\n

Ademais deste curso, o vindeiro m\u00e9rcores, 21 de abril, de 9.30 a 11.00 horas, celebrarase un Living Lab de consumo nunha econom\u00eda circular. Esta xornada online de debate sobre \u201cModelos de consumo de venta a granel e envases reutilizables\u201d enm\u00e1rcase dentro do proxecto Circular Labs, dentro do cal se est\u00e1n a desenvolver unha serie de encontros para analizar o papel dos consumidores na econom\u00eda circular e buscar pontes de encontro entre fabricantes, distribuidores-comercializadores e os propios consumidores.<\/p>\n\n\n\n

O primeiro destes encontros est\u00e1 dirixido a analizar cambios encami\u00f1ados a pautas de consumo sen envase, ou o que se chaman tam\u00e9n a granel, xa sexa de produtos alimentarios, de hixiene ou limpeza.<\/p>\n\n\n\n

Nos encontros pret\u00e9ndese que participen os diferentes axentes das cadeas de valor onde poida plantarse este modelo de venta a granel. Para co\u00f1ecer o programa da xornada pode acceder ao seguinte enlace: https:\/\/marketplace.circularlabstoolkit.eu\/living-lab-de-consumo-en-una-economia-circular<\/a> e para participar \u00e9 necesario inscribirse previamente a trav\u00e9s de: https:\/\/forms.gle\/MGkTXXTszhivZW7Z9<\/a><\/p>\n\n\n\n

Circular Labs<\/strong><\/p>\n\n\n\n

O proxecto Circular Labs \u2013 Promovendo o esp\u00edrito empresarial para a econom\u00eda circular no espazo ib\u00e9rico est\u00e1 cofinanciado polo Fondo Europeo de Desenvolvemento Rexional (FEDER) a trav\u00e9s do Programa INTERREG V-A Espa\u00f1a-Portugal (POCTEP) 2014.2020. Neste proxecto, coordinado pola Fundaci\u00f3n EOI, participan outros dez socios de Espa\u00f1a e Portugal que son, ademais do Inorde, a Fundaci\u00f3n Patrimonio Natural de Castela e Le\u00f3n, Deputaci\u00f3n de \u00c1vila, Concello de Valladolid, Universidade de Salamanca, Fundaci\u00f3n Paideia Galiza, MAIEUTICA-Cooperativa de Ensino Superior \u2013 Maia, Instituto Polit\u00e9cnico de Bragan\u00e7a, ADITEC: Asociacion Para o Desenvolvemento e a Innovaci\u00f3n Tecnol\u00f3xica. Porto e o Municipio de Montalegre.<\/p>\n\n\n\n