{"id":3965,"date":"2021-05-14T10:12:54","date_gmt":"2021-05-14T10:12:54","guid":{"rendered":"http:\/\/inorde.com\/?p=3965"},"modified":"2021-05-14T10:12:54","modified_gmt":"2021-05-14T10:12:54","slug":"o-inorde-promove-o-marketing-dixital-no-sector-vitivinicola","status":"publish","type":"post","link":"https:\/\/inorde.com\/es\/o-inorde-promove-o-marketing-dixital-no-sector-vitivinicola\/","title":{"rendered":"O Inorde promove o marketing dixital no sector vitivin\u00edcola"},"content":{"rendered":"

O Inorde promove o marketing dixital no sector vitivin\u00edcola<\/strong><\/p>\n\n\n\n

A prestixiosa Master of Wine Sarah Jane Evans dirixir\u00e1 unha cata en directo de uva \u201cMenc\u00eda\u201d nas Denominaci\u00f3ns de Orixe Monterrei, Ribeira Sacra e Valdeorras, dentro do programa de Ourense Vinis Terrae<\/strong><\/p>\n\n\n\n

Estas actividades enm\u00e1rcanse dentro do proxecto europeo Red Agriconect 4.0 que procura a dixitalizaci\u00f3n no sector agroindustrial<\/strong><\/p>\n\n\n\n

Ourense, 14 de maio de 2021.-<\/strong> Co obxectivo de potenciar a dixitalizaci\u00f3n no \u00e1mbito do sector vitin\u00edcola na fase de promoci\u00f3n e comercializaci\u00f3n, o Inorde promove unha actividade formativa e outra de promoci\u00f3n, que se integrar\u00e1n dentro do programa da IX edici\u00f3n do Sal\u00f3n do Vi\u00f1o e Licores Galegos de Calidade \u201cVinis Terrae\u201d, previsto durante o mes de xu\u00f1o pr\u00f3ximo.<\/p>\n\n\n\n

Estas actuaci\u00f3ns exec\u00fatanse no marco do proxecto Red Agriconect 4.0, do que o Inorde \u00e9 socio, e est\u00e1 cofinanciado polo Fondo Europeo de Desarrollo Regional (FEDER) a trav\u00e9s do Programa Interreg V-A Espa\u00f1a \u2013 Portugal (POCTEP) 2014 \u2013 2020. O obxectivo desta iniciativa \u00e9 impulsar a dixitalizaci\u00f3n das empresas agroindustriais da provicina ofrecendo formaci\u00f3n gratu\u00edta para xestores e t\u00e9cnicos.<\/p>\n\n\n\n

Masterclass<\/strong><\/p>\n\n\n\n

Por un lado, o Inorde organizar\u00e1 dentro do programa de \u201cOurense Vinis Terrae\u201d unha Masterclass a cargo dunha prescriptora de referencia internacional como \u00e9 Sarah Jane Evans, Master of Wine. Tr\u00e1tase de xerar unha boa pr\u00e1ctica sobre a promoci\u00f3n das variedades aut\u00f3ctonas empregando ferramentas de comunicaci\u00f3n dixital, enfocada ademais \u00e1 internacionalizaci\u00f3n e a promover o co\u00f1ecemento das nosas variedades aut\u00f3ctonas en mercados de interese. Esta escritora e xornalista, dirixir\u00e1 unha cata en directo destinada a potenciais importadores procedentes de 24 pa\u00edses, e centrarase na variedade de uva \u201cMenc\u00eda\u201d nas Denominaci\u00f3ns de Orixe Monterrei, Ribeira Sacra e Valdeorras.<\/p>\n\n\n\n

A xornada ter\u00e1 lugar o 9 de xu\u00f1o, \u00e1s 16.00 horas. Os interesados en participar deben inscribirse como visitantes profesionais a trav\u00e9s da web vinisterrae.es.<\/p>\n\n\n\n

Sarah Jane Evans, Master of Wine, \u00e9 unha das m\u00e1is prestixiosas xornalistas especializada en vi\u00f1os do mundo. \u00c9 copresidenta dos Decanter World Wine Awards. Ga\u00f1adora do premio Robert Mondavi Winery Award. Educadora certificada de Sherry, como escritora e consultora conta entre outras coa publicaci\u00f3n ‘Los vinos del norte de Espa\u00f1a’. Pasou unha d\u00e9cada como editora asociada da revista Good Food da BBC e ten un gran interese en alentar aos consumidores a desenvolver a s\u00faa propia confianza na degustaci\u00f3n.<\/p>\n\n\n\n

Xornada Formativa<\/strong><\/p>\n\n\n\n

Por outra lado, est\u00e1 programada unha xornada formativa destinada a adegas e produtores de vi\u00f1o sobre comercializaci\u00f3n a trav\u00e9s de canles dixitais a cargo do relator Javier de Blanco, experto en Comercio Exterior e Comercializaci\u00f3n. Esta actividade, que se desenvolver\u00e1 nun formato h\u00edbrido, est\u00e1 dirixida ao conxunto das adegas da provincia e se integrar\u00e1 en \u201cOurense Vinis Terrae\u201d.<\/p>\n\n\n\n

O obxectivo desta xornada \u00e9 trasladar aos asistentes os beneficios de dese\u00f1ar unha estratexia de marketing dixital, abordar as diferentes ferramentas dispo\u00f1ibles (Redes Sociais, V\u00eddeos, Web…), afondar nas especificidades para a industria do vi\u00f1o, e analizar a diversificaci\u00f3n de canles comerciais.<\/p>\n\n\n\n

A xornada celebrarase durante a ma\u00f1\u00e1 do 16 de xu\u00f1o desde \u00e1s 10.00 horas e as inscrici\u00f3ns poden realizarse a trav\u00e9s da web vinisterrae.es ou do correo electr\u00f3nico info@vinisterrae.es.<\/p>\n\n\n\n

Estas actuaci\u00f3ns complementaranse con outras que est\u00e1 a definir o Inorde para formar tam\u00e9n na implementaci\u00f3n de dixitalizaci\u00f3n en campo e contribu\u00edr as\u00ed \u00e1 transformaci\u00f3n competitiva do sector que afronta retos importantes como a adaptaci\u00f3n ao cambio clim\u00e1tico e incrementar a competitividade no mercado global.<\/p>\n\n\n\n