{"id":4553,"date":"2021-11-19T14:30:32","date_gmt":"2021-11-19T14:30:32","guid":{"rendered":"http:\/\/inorde.com\/?p=4553"},"modified":"2021-11-19T14:30:32","modified_gmt":"2021-11-19T14:30:32","slug":"a-provincia-de-ourense-participa-na-feira-de-turismo-interior-intur","status":"publish","type":"post","link":"https:\/\/inorde.com\/es\/a-provincia-de-ourense-participa-na-feira-de-turismo-interior-intur\/","title":{"rendered":"A provincia de Ourense participa na feira de turismo interior, Intur"},"content":{"rendered":"

A xerente do Inorde estivo hoxe, en Valladolid, na inauguraci\u00f3n da 24\u00aa edici\u00f3n da Feira Internacional do Turismo de Interior na que a nosa provincia conta cun stand propio para dar a co\u00f1ecer os recursos tur\u00edsticos do territorio \u00e1s portas da chegada da Alta Velocidade a Ourense<\/strong><\/p>\n\n\n\n

Valladolid, 19 de novembro de 2021.-<\/strong>O Inorde est\u00e1 a promocionar, desde hoxe ata o domingo en Valladolid, a provincia de Ourense na 24\u00aa edici\u00f3n da Feira Internacional do Turismo de Interior (Intur). A xerente do Inorde, Emma Gonz\u00e1lez, estivo hoxe na inauguraci\u00f3n desta feira na que a provincia de Ourense conta cun stand propio a trav\u00e9s do cal darase a co\u00f1ecer os recursos e as potencialidades tur\u00edsticas do noso territorio.<\/p>\n\n\n\n

A participaci\u00f3n de Ourense en Intur, inclu\u00edda no calendario de feiras internacionais de turismo que se celebran en Espa\u00f1a, est\u00e1 pensada para \u201cposicionar a nosa provincia como ese destino de interior xenuino que marca a nosa estratexia tur\u00edstica\u201d, sinalou a xerente do Inorde, quen lembrou que \u201cCastela e Le\u00f3n inter\u00e9sanos \u00e9 un mercado de proximidade e, sobre todo, pensando na chegada da Alta Velocidade desde a Meseta, onde o tren m\u00e1is r\u00e1pido entre Madrid e Ourense ter\u00e1 como \u00fanica parada Zamora. Polo tanto, \u00e9 fundamental promover esa conexi\u00f3n que se pode xerar con esta rexi\u00f3n\u201d.<\/p>\n\n\n\n

Representados a trav\u00e9s da marca tur\u00edstica da provincia desde o stand div\u00falganse, \u201cos principais recursos relacionados coa enogastronom\u00eda, natureza, patrimonio e, por suposto, o Cami\u00f1o de Santiago xa que a\u00ednda nos atopamos neste dobre ano Xacobeo e, entendemos que o ano 2022 pode ser unha gran oportunidade para reforzar a chegada de peregrinos a trav\u00e9s dos nosos itinerarios xacobeos\u201d, sinalou Emma Gonz\u00e1lez. Tam\u00e9n hai un espazo dedicado a \u201cese factor diferencial que temos en Ourense que \u00e9 o termalismo, a trav\u00e9s do programa \u201cRaia Termal\u201d, co que participamos dunha maneira agrupada para potenciar os recursos termais de fronteira\u201d, engadiu a xerente do Inorde.<\/p>\n\n\n\n

Durante a inauguraci\u00f3n da feira, os visitantes que se achegaron ao stand puideron degustar produtos de O Irixo, as\u00ed como un dos produtos enogastron\u00f3micos de referencia da nosa provincia: o pulpo do Carballi\u00f1o, para apoiar tam\u00e9n a que a s\u00faa propia Festa logre o reco\u00f1ecemento internacional.<\/p>\n\n\n\n

Como novidade, esta edici\u00f3n de Intur est\u00e1 a celebrarse cun novo formato que diferencia os contidos para profesionais e a promoci\u00f3n e a divulgaci\u00f3n dirixida ao visitante. Por elo, organizou para o d\u00eda 18 de novembro unha xornada profesional baixo o nome de \u201cIntur Negocios\u201d, no que se deron cita turoperadores, axencias, destinos e empresas proveedoras de servizos. Nesta xornada, o Inorde facilitou a empresas ourens\u00e1s do sector tur\u00edstico que estaban interesadas en participar neste workshop, \u201cpara ofrecerlles a oportunidade de que mantiveran encontros de traballo “be to be” con outros operadores tur\u00edsticos e puideran establecer sinerx\u00edas que axuden a comercializar o noso destino\u201d, explicou a xerente do Inorde. <\/p>\n\n\n\n

Xeodestino Terra de Celanova \u2013 Serra do Xur\u00e9s<\/strong><\/p>\n\n\n\n

No marco deste escaparate internacional, o Inorde e o Xeodestino Terra de Celanova-Serra do Xur\u00e9s organizaron, co apoio da Axencia de Turismo de Galicia, un afterwork no que presentaron a axencias de viaxes de Castela e Le\u00f3n que pertencen \u00e1 canle minorista, os recursos tur\u00edsticos dos concellos que integran este xeodestino.<\/p>\n\n\n\n

Con esta iniciativa “pretend\u00edamos favorecer un networking con esas axencias e familiarizalas con este xeodestino xa que poden actuar como prescriptores ante os clientes finais. Un destino, Castela e Le\u00f3n, que ademais \u00e9 transfronteirizo e, polo tanto, resulta m\u00e1is doado para n\u00f3s posicionarnos nese mercado con ese atractivo”, explicou a xerente do Inorde.<\/p>\n\n\n\n

Emma Gonz\u00e1lez explicou que esta actividade tam\u00e9n permitiu que co\u00f1eceran os recursos tur\u00edsticos deste xeodestino, desde os aloxamentos que ofrecen, ata os recursos gastron\u00f3micos, naturais, patrimoniais e culturais que hai neste territorio ourens\u00e1, \u201cpara que lles resulte m\u00e1is f\u00e1cil comercializar e promover esta zona entre os seus clientes”. Esta actividade, que se enmarca dentro das actuaci\u00f3ns de promoci\u00f3n deste territorio entre mercados de proximidade, tam\u00e9n serviu para que as empresas locais de al\u00ed degustaran produtos gastron\u00f3micos🍯de referencia nestes territorios.<\/p>\n\n\n\n

Xeodestino Manzaneda \u2013 Trevinca \u2013 Valdeorras<\/strong><\/p>\n\n\n\n

As\u00ed mesmo, o xeodestino Manzaneda \u2013 Trevinca \u2013 Valdeorras que tam\u00e9n xestiona o Inorde ter\u00e1 o seu propio espazo nesta Feira. Concretamente ser\u00e1 o vindeiro domingo, 21 de maio, a trav\u00e9s dun showcooking que impartir\u00e1 Flavio Morganti, un dos coci\u00f1eiros m\u00e1is experimentados neste \u00e1mbito que opera na provincia de Ourense.<\/p>\n\n\n\n