{"id":4558,"date":"2021-11-23T11:11:15","date_gmt":"2021-11-23T11:11:15","guid":{"rendered":"http:\/\/inorde.com\/?p=4558"},"modified":"2021-11-23T11:11:15","modified_gmt":"2021-11-23T11:11:15","slug":"o-centro-de-desenvolvemento-agrogandeiro-do-inorde-estrea-un-laboratorio-rural-de-economia-circular","status":"publish","type":"post","link":"https:\/\/inorde.com\/es\/o-centro-de-desenvolvemento-agrogandeiro-do-inorde-estrea-un-laboratorio-rural-de-economia-circular\/","title":{"rendered":"O Centro de Desenvolvemento Agrogandeiro do Inorde estrea un laboratorio rural de econom\u00eda circular"},"content":{"rendered":"

Esta infraestrutura, creada no marco do proxecto europeo Interreg V-A \u201cCircular Labs \u2013 Promovendo o esp\u00edrito empresarial para a econom\u00eda circular\u201d, nace con vocaci\u00f3n de \u201caxudar aos produtores e que sirva de revulsivo cara \u00e1 necesaria transformaci\u00f3n do sector primario para unha optimizaci\u00f3n na xesti\u00f3n de recursos\u201d, afirmou Rosendo Fern\u00e1ndez<\/strong><\/p>\n\n\n\n

O Centro de Desenvolvemento Agrogandeiro do Inorde, en Xinzo de Limia, estreou hoxe o laboratorio rural de econom\u00eda circular, creado no marco do proxecto europeo Interreg V-A \u201cCircular Labs \u2013 Promovendo o esp\u00edrito empresarial para a econom\u00eda circular\u201d. O obradoiro inaugural deste novo espazo tivo lugar hoxe, no marco das actividades de econom\u00eda circular que centran a programaci\u00f3n desta \u00faltima xornada da \u201cMobile Week Ourense\u201d. No acto participou o presidente e a xerente do Inorde, Rosendo Fern\u00e1ndez e Emma Gonz\u00e1lez, respectivamente; xunto ao t\u00e9cnico do Centro de Desenvolvemento Agrogandeiro, Servando \u00c1lvarez.<\/p>\n\n\n\n

Esta laboratorio rural nace co obxectivo de \u201caxudar aos produtores e que sirva de revulsivo cara \u00e1 necesaria transformaci\u00f3n do sector primario para unha optimizaci\u00f3n na xesti\u00f3n de recursos e, todo elo, de xeito sin\u00e9rxico cos labores que xa desempe\u00f1a o propio Centro de Desenvolvemento Agrogandeiro\u201d.<\/p>\n\n\n\n

Esta nova infraestrutura, dotada de maquinaria que se po\u00f1en a disposici\u00f3n dos produtores da provincia, estar\u00e1 aberto a todos os interesados que presenten unha proposta ou un proxecto de negocio que estea claramente vencellado coas estratexias de econom\u00eda circular. Ademais, valorarase positivamente a inclusi\u00f3n nas mesmas de produtos end\u00f3xenos, perseguindo con isto a necesaria conservaci\u00f3n da biodiversidade.<\/p>\n\n\n\n

O Inorde pretende, como socio do proxecto \u201cCircular-Labs\u201d, \u201cpechar o c\u00edrculo dun sector primario competitivo, moderno e, por suposto, totalmente respectuoso co medio ambiente, mediante o impulso daquelas iniciativas que procuren  produtos, t\u00e9cnicas e procesos baseados na filosof\u00eda da econom\u00eda circular. Entendida esta filosof\u00eda como unha ferramenta encami\u00f1ada a dinamizar o sector grazas ao aproveitamento integral de recursos, a minimizaci\u00f3n de materia prima e a optimizaci\u00f3n enerx\u00e9tica\u201d, sinalou o presidente do Inorde.<\/p>\n\n\n\n

O Inorde, no seu labor de desenvolvemento do sector primario, achega desde o Centro de Desenvolvemnto Agrogandeiro asesoramento e asistencia t\u00e9cnica, tanto a nivel de agricultura-forestal como de gandar\u00eda. \u201cUn traballo constante e continuado ao longo de xa fai m\u00e1is de vinte anos, tentando dotar aos principais art\u00edfices do sector (os agricultores e gandeiros), de novas ferramentas, modernas e tecnificadas que os axuden a facer fronte \u00e1s novas esixencias que os mercados lle requiren\u201d, lembrou Rosendo Fern\u00e1ndez.<\/p>\n\n\n\n

Ao f\u00edo disto, cabe destacar que o Observatorio Econ\u00f3mico Ourens\u00e1n no seu estudo sobre o impacto da crise do Covid-19, avalou que neste per\u00edodo creceu o n\u00famero de empresas un +3,40% e traballadores un +1,77% no sector primario, unha situaci\u00f3n que non se produce en Galicia nin en Espa\u00f1a. En definitiva, durante a primeira ola da pandemia o sector primario en Ourense foi o que m\u00e1is resistiu.<\/p>\n\n\n\n

O proxecto \u201cCircular Labs \u2013 Promovendo o esp\u00edrito empresarial para a econom\u00eda circular\u201d no espazo ib\u00e9rico est\u00e1 cofinanciado polo Fondo Europeo de Desenvolvemento Rexional (FEDER) a trav\u00e9s do Programa INTERREG V-A Espa\u00f1a-Portugal (POCTEP) 2014-2020. No proxecto participan, ademais do Inorde, a Fundaci\u00f3n EOI, a Fundaci\u00f3n Patrimonio Natural de Castela e Le\u00f3n, Deputaci\u00f3n de \u00c1vila, Concello de Valladolid, Universidade de Salamanca, Fundaci\u00f3n Paideia Galiza, MAIEUTICA-Cooperativa de Ensino Superior \u2013 Maia, Instituto Polit\u00e9cnico de Bragan\u00e7a, ADITEC: Asociaci\u00f3n Para o Desenvolvemento e a Innovaci\u00f3n Tecnol\u00f3xica. Porto e o Municipio de Montalegre.<\/p>\n\n\n\n

Mobile Week Ourense<\/strong><\/p>\n\n\n\n

Trala xornada inaugural do Laboratorio Rural de Econom\u00eda Circular, \u00e1 que acudiron pequenas empresas da provincia interesadas nesta nova infraestrutura, celebrouse un taller que baixo o t\u00edtulo \u201cDixitalizaci\u00f3n, Sustentabilidade e Econom\u00eda Circular\u201d, estivo dirixido a produtores locais para a elaboraci\u00f3n de packaging con impresoras 3D. Esta actividade pretend\u00eda que os asistentes pensasen en novos formatos orientados \u00e1s necesidades do mercado actuais, para xerar novas oportunidades comerciais.<\/p>\n\n\n\n