{"id":5026,"date":"2022-06-09T11:56:18","date_gmt":"2022-06-09T11:56:18","guid":{"rendered":"http:\/\/inorde.com\/?p=5026"},"modified":"2022-06-09T11:56:18","modified_gmt":"2022-06-09T11:56:18","slug":"nova-campana-dos-trens-turisticos-de-galicia-con-cinco-rutas-por-ourense","status":"publish","type":"post","link":"https:\/\/inorde.com\/es\/nova-campana-dos-trens-turisticos-de-galicia-con-cinco-rutas-por-ourense\/","title":{"rendered":"Nova campa\u00f1a dos \u201cTrens Tur\u00edsticos de Galicia\u201d con cinco rutas por Ourense"},"content":{"rendered":"

O Inorde, a\nXunta de Galicia e Renfe po\u00f1en en marcha unha nova edici\u00f3n deste programa,\npresentado hoxe na estaci\u00f3n de tren de Ourense, que ofrece un total de trece\nrutas para co\u00f1ecer os recursos tur\u00edsticos da Comunidade<\/strong><\/p>\n\n\n\n

Rosendo\nFern\u00e1ndez explicou os itinerarios con sa\u00edda de Ourense, \u201cque se te\u00f1en\nconvertido nun dos produtos tur\u00edsticos con maior demanda durante a tempada\nestival, que se prolonga ata outubro\u201d<\/strong><\/p>\n\n\n\n

A d\u00eda de\nhoxe, xa se venderon o 26,1% das prazas ofertadas das 2.697 totais, e o 73,2%\ndas prazas das rutas que se desenvolven en xu\u00f1o xa est\u00e1n cubertas<\/strong><\/p>\n\n\n\n

Comeza unha nova campa\u00f1a dos \u201cTrens Tur\u00edsticos de Galicia\u201d que este ano chega \u00e1 novena edici\u00f3n cun total de trece rutas que ofrecen aos viaxeiros a posibilidade de co\u00f1ecer os diferentes recursos tur\u00edsticos da Comunidade a trav\u00e9s dunha proposta sostible e planificada. A presentaci\u00f3n tivo lugar hoxe na estaci\u00f3n de tren de Ourense, acto no que participou o presidente do Inorde, Rosendo Fern\u00e1ndez; o director da \u00c1rea de Negocios de Alta Velocidade e outros servizos comerciais de RENFE Viajeros, Francisco Arteaga; e a directora da Axencia de Turismo de Galicia, Nava Castro.<\/p>\n\n\n\n

Esta iniciativa tur\u00edstica, posta en marcha desde o ano\n2013 por Inorde, Renfe e Turismo de Galicia, permitir\u00e1 aos viaxeiros co\u00f1ecer \u201ca\nnosa provincia desde a perspectiva do tren, recorrendo enclaves naturais,\nenogastron\u00f3micos, patrimoniais e culturais de referencia no noso territorio, e\nsempre acompa\u00f1ados durante todo o traxecto por un gu\u00eda especializado\u201d, dixo\nRosendo Fern\u00e1ndez, quen reivindicou que un ano m\u00e1is \u201cOurense volve a ter un\ngran peso nesta iniciativa, ao sa\u00edr 5 das 13 rutas da nosa provincia\u201d. A\nencargada de inaugurar esta edici\u00f3n de feito foi a ruta do vi\u00f1o da Ribeira\nSacra polo r\u00edo Sil, que tivo lugar o pasado s\u00e1bado. <\/p>\n\n\n\n

En\ncanto \u00e1s cifras xa rexistradas desta edici\u00f3n, a d\u00eda de hoxe xa se venderon o\n26,1% das prazas ofertadas das 2.697 totais sumando as que hai nas 13 rutas, e\no 73,2% das prazas das rutas que se desenvolven en xu\u00f1o xa est\u00e1n cubertas,\ncando soamente sa\u00edu un dos cinco trens programados para este mes.<\/p>\n\n\n\n

Rutas con sa\u00edda desde Ourense<\/strong><\/p>\n\n\n\n

O presidente do Inorde explicou os itinerarios con sa\u00edda\nde Ourense\u201d \u201cque se te\u00f1en convertido nun dos produtos tur\u00edsticos con maior\ndemanda durante a tempada estival, que se prolonga ata outubro\u201d. Esta edici\u00f3n\ncomezou o pasado s\u00e1bado, 4 de xu\u00f1o, coa ruta\ndo vi\u00f1o da Ribeira Sacra polo r\u00edo Sil<\/strong> que leva aos viaxeiros a bordo do tren\nmotorizado \u201cAba Sacra\u201d ata a bodega Regina Viarum. Para empaparse da\nviticultura heroica desta Denominaci\u00f3n de Orixe, visitar\u00e1n o Centro de\nInterpretaci\u00f3n do Vi\u00f1o e, posteriormente, realizar\u00e1n un percorrido en catamar\u00e1n\npolo Sil. Esta ruta rematar\u00e1 coa degustaci\u00f3n dunha queimada no Mosteiro de San\nPedro de Rocas, en Esgos. Para todos aqueles que non chegaron a tempo para\ngozar este pasado s\u00e1bado, te\u00f1en a oportunidade de embarcarse nesta ruta os d\u00edas\n2 de xullo, 6 de agosto, 3 e 17 de setembro e o 1 de outubro. Tam\u00e9n se oferta\noutra ruta do vi\u00f1o da Ribeira Sacra pero\npolo r\u00edo Mi\u00f1o<\/strong> con sa\u00edda os d\u00edas 18 de xu\u00f1o, 30 de xullo, 10 de setembro e 8\nde outubro. <\/p>\n\n\n\n

Outra das oportunidades que ofrecen os \u201cTrens Tur\u00edsticos\nde Galicia\u201d para co\u00f1ecer a nosa provincia \u00e9 a trav\u00e9s da ruta dos vi\u00f1os do Ribeiro \u2013 R\u00edas Baixas<\/strong>, dous territorios con\nDenominaci\u00f3n de Orixe. Durante a traves\u00eda, poderase degustar un vi\u00f1o na adega\nSe\u00f1or\u00edo de Rubi\u00f3s e co\u00f1ecer o encanto medieval de Ribadavia e o seu castelo.\nPola tarde continuar\u00e1n a visita no Museo do Vi\u00f1o de Galicia, na comarca do\nRibeiro e achegaranse ao castro de San Cibrao de Las. Por \u00faltimo, rematar\u00e1n a\ns\u00faa viaxe parando na estaci\u00f3n ferroviaria de Santa Cruz de Arrabaldo, onde o\nInorde ten o museo do autom\u00f3bil e o do traxe galego. Para esta ruta s\u00f3 hai unha\nsa\u00edda que ser\u00e1 o d\u00eda 9 de xullo. <\/p>\n\n\n\n

A ruta do vi\u00f1o de\nMonterrei<\/strong> levar\u00e1 aos viaxeiros a descubrir esta Denominaci\u00f3n de Orixe\ndegustando os seus vi\u00f1os no Castelo e visitando a adega Gargalo.\nPosteriormente, trasladaranse a Ver\u00edn para co\u00f1ecer o seu barrio antigo e\npasear\u00e1n pola vila de Allariz e o seu Festival Internacional de Xard\u00edns. Antes\nde rematar a viaxe, far\u00e1n unha visita \u00e1 estaci\u00f3n de tren de Ba\u00f1os de Molgas, onde\no Inorde ten o museo adicado ao artista Moncho Borrajo. As sa\u00eddas para esta\nruta ser\u00e1n os d\u00edas 23 de xullo e 20 de agosto. <\/p>\n\n\n\n

E, a ruta dos\nvi\u00f1os da Ribeira Sacra e de Valdeorras<\/strong> que os levar\u00e1 a co\u00f1ecer as paraxes\ndesas d\u00faas Denominaci\u00f3ns de Orixe Vitivin\u00edcolas. Embarcar\u00e1n nun catamar\u00e1n para\nir ata o Mosteiro de Santo Estevo, continuando a visita ata o Concello do Bolo\nonde se mergullar\u00e1n no barroco galego da man do santuario das Ermitas.\nPosteriormente, degustar\u00e1n un vi\u00f1o da D.O. de Valdeorras na adega da R\u00faa A\nCoroa e finalizar\u00e1 na estaci\u00f3n de tren dos Peares no Museo do ferrocarril. As\nsa\u00eddas destas rutas son o 27 de agosto e o 24 de setembro. <\/p>\n\n\n\n

A reserva e a compra dos billetes para poder participar nalgunha das rutas poder\u00e1 realizarse nos despachos de calquera estaci\u00f3n de Renfe ou na p\u00e1xina web www.renfe.es<\/a>, por un prezo de 45 euros para adultos e de 20 euros para os nenos de 3 a 13 anos. Haber\u00e1 un desconto do 15% para os grupos de 10 ou m\u00e1is adultos. Ademais, o prezo das rutas por Ourense tam\u00e9n incl\u00fae a viaxe en tren desde as estaci\u00f3ns de Santiago de Compostela e Vigo a Ourense.<\/p>\n\n\n\n