{"id":5261,"date":"2022-08-30T09:55:43","date_gmt":"2022-08-30T09:55:43","guid":{"rendered":"http:\/\/inorde.com\/?p=5261"},"modified":"2022-08-30T09:55:43","modified_gmt":"2022-08-30T09:55:43","slug":"o-centro-de-desenvolvemento-agrogandeiro-do-inorde-acolle-a-oficina-de-regadio-da-xunta","status":"publish","type":"post","link":"https:\/\/inorde.com\/es\/o-centro-de-desenvolvemento-agrogandeiro-do-inorde-acolle-a-oficina-de-regadio-da-xunta\/","title":{"rendered":"O Centro de Desenvolvemento Agrogandeiro do Inorde acolle a oficina de regad\u00edo da Xunta"},"content":{"rendered":"

O presidente do Inorde acompa\u00f1ou hoxe \u00e1 directora xeral da Axencia Galega de Desenvolvemento Rural e ao delegado territorial da Xunta en Ourense, na visita \u00e1s instalaci\u00f3ns que acoller\u00e1n este espazo que o goberno auton\u00f3mico pon en marcha para informar dos avances na mellora e modernizaci\u00f3n do regad\u00edo da Limia aos propietarios das parcelas e \u00e1s comunidades de regantes<\/strong><\/p>\n\n\n\n

Rosendo Fern\u00e1ndez agradeceu o traballo que est\u00e1 a realizar o goberno galego a prol do sector primario, \u201cclave no desenvolvemento econ\u00f3mico desta comarca\u201d, e destacou a idoneidade de ubicalo \u201cno noso Centro que xa \u00e9 un referente para todo os agricultores da Limia, que complementa o traballo de asesoramento e axuda a todas as consultas que nos chegan desde calquera punto da xeograf\u00eda ourens\u00e1\u201d<\/strong><\/p>\n\n\n\n

In\u00e9s Sant\u00e9 sinalou que poden achegarse a solicitar informaci\u00f3n os propietarios de predios que non se adherisen ao regad\u00edo no seu momento pero aos que lles gustar\u00eda incorporarse cando estea ampliado<\/strong><\/p>\n\n\n\n

O Centro de Desenvolvemento Agrogandeiro de Inorde acolle a oficina de regad\u00edo que a Xunta de Galicia pon en marcha para informar dos avances na mellora e modernizaci\u00f3n do regad\u00edo da Limia aos propietarios das parcelas e \u00e1s comunidades de regantes. Por elo, o presidente do Inorde, Rosendo Fern\u00e1ndez, recibiu hoxe \u00e1 directora xeral da Axencia Galega de Desenvolvemento Rural, In\u00e9s Sant\u00e9; e ao delegado territorial da Xunta en Ourense, Gabriel Al\u00e9n que inauguraron estas instalaci\u00f3ns.<\/p>\n\n\n\n

A oficina estar\u00e1 permanentemente informando de todos os avances na mellora e modernizaci\u00f3n do regad\u00edo da Limia aos propietarios das parcelas e \u00e1s comunidades de regantes de Lamas Ganade, San Salvador de Sabucedo, Corno do Monte e Alta Limia.<\/p>\n\n\n\n

Rosendo Fern\u00e1ndez agradeceu “as actuaci\u00f3ns que est\u00e1 a realizar o goberno galego nesta comarca, referente agr\u00edcola en Galicia\u201d, e destacou a idoneidade de ubicalo \u201cno noso Centro que xa \u00e9 un referente para todo os agricultores da Limia, que complementa o traballo de asesoramento e axuda a todas as consultas que nos chegan desde calquera punto da xeograf\u00eda ourens\u00e1\u201d.<\/p>\n\n\n\n

Neste mesmo sentido, o presidente do Inorde destacou que \u201cunha vez m\u00e1is vemos como se materializa a cooperaci\u00f3n provincial e auton\u00f3mica e que, neste caso, permitir\u00e1 aos agricultores estar informados de todo o tema vencellado ao regad\u00edo, nun lugar que para eles xa \u00e9 familiar, como \u00e9 o Centro de Desenvolvemento Agrogandeiro\u201d.<\/p>\n\n\n\n

Durante a visita, na que tam\u00e9n participou a xerente do Inorde, Emma Gonz\u00e1lez, a directora xeral da Axencia Galega de Desenvolvemento Rural, In\u00e9s Sant\u00e9, sinalou que poden achegarse a solicitar informaci\u00f3n os propietarios de predios que non se adherisen ao regad\u00edo no seu momento pero aos que lles gustar\u00eda incorporarse cando estea ampliado.<\/p>\n\n\n\n

A directora xeral lembrou que o Goberno galego inviste preto de 4 mill\u00f3ns de euros nestes traballos de mellora e modernizaci\u00f3n do regad\u00edo. Os labores -xa iniciados- consisten na construci\u00f3n de 42 novos pozos de sondaxe de auga nesta bisbarra ourens\u00e1, dos que xa est\u00e1n executados -segundo salientou- un terzo. Desta forma, av\u00e1nzase na colaboraci\u00f3n entre a Xunta e a Administraci\u00f3n Xeral do Estado a prol da xesti\u00f3n sustentable da actividade agrogandeira na comarca da Limia, de referencia para o rural galego.<\/p>\n\n\n\n

As actuaci\u00f3ns enm\u00e1rcanse no investimento de arredor de 36 mill\u00f3ns de euros que destinar\u00e1 a Xunta e o Estado \u00e1 bisbarra, uns fondos que foron conseguidos grazas \u00e1s xesti\u00f3ns levadas a cabo por parte do Goberno galego. Destas achegas, preto de 16 mill\u00f3ns servir\u00e1n para modernizar o regad\u00edo, outros case 4 mill\u00f3ns -aportados pola Xunta- ser\u00e1n para a construci\u00f3n dos devanditos 42 pozos e os 16 restantes foron xestionados pola Conseller\u00eda do Medio Rural ante o Estado, de forma adicional, para a limpeza das canles e dos cami\u00f1os paralelos, un investimento que In\u00e9s Sant\u00e9 agarda que se faga efectivo, de acordo co compromiso amosado polo Ministerio de Agricultura.<\/p>\n\n\n\n

Ademais, c\u00f3mpre engadir os m\u00e1is de 600.000 euros que destinou a Conseller\u00eda do Medio Rural, coa colaboraci\u00f3n da Deputaci\u00f3n Provincial de Ourense, entre o ano pasado e este para a reparaci\u00f3n de cami\u00f1os na comarca, todo enmarcado no Plan estrat\u00e9xico do sector agrario da Limia.\u00a0\u00a0\u00a0<\/p>\n\n\n\n