{"id":5355,"date":"2022-09-22T09:41:32","date_gmt":"2022-09-22T09:41:32","guid":{"rendered":"http:\/\/inorde.com\/?p=5355"},"modified":"2022-09-22T09:41:32","modified_gmt":"2022-09-22T09:41:32","slug":"a-veiga-acollera-a-primeira-edicion-da-gran-carreira-de-carrilanas","status":"publish","type":"post","link":"https:\/\/inorde.com\/es\/a-veiga-acollera-a-primeira-edicion-da-gran-carreira-de-carrilanas\/","title":{"rendered":"A Veiga acoller\u00e1 a primeira edici\u00f3n da \u201cGran Carreira de Carrilanas\u201d"},"content":{"rendered":"

Este evento, que conta coa colaboraci\u00f3n do Inorde, celebrarase por primeira vez no municipio valdeorr\u00e9s o vindeiro 8 de outubro<\/strong><\/p>\n\n\n\n

Rosendo Fern\u00e1ndez felicitou a \u201cEspazo Carrilano\u201d, organizadores da proba, por \u201cimpulsar iniciativas deste tipo que contrib\u00faen a dinamizar a vida social e econ\u00f3mica dos municipios, convert\u00e9ndose nunha gran oportunidade para que a xente co\u00f1eza o potencial do noso territorio, neste caso, da Veiga\u201d<\/strong><\/p>\n\n\n\n

O municipio de A Veiga acoller\u00e1 a primeira edici\u00f3n da \u201cGran Carreira de Carrilanas\u201d, un evento que conta coa colaboraci\u00f3n do Inorde e que se celebrar\u00e1 por primeira vez no municipio valdeorr\u00e9s o vindeiro 8 de outubro. A presentaci\u00f3n da proba tivo lugar hoxe na sala de prensa do Pazo Provincial, acto no que participou o presidente do Inorde, Rosendo Fern\u00e1ndez; o alcalde da Veiga, Juan Anta; e o representante de \u201cEspazo Carrilano\u201d organizadores da proba, Marcos Porto.<\/p>\n\n\n\n

Rosendo Fern\u00e1ndez felicitou a \u201cEspazo Carrilano\u201d, organizadores da proba, por \u201cimpulsar iniciativas deste tipo que contrib\u00faen a dinamizar a vida social e econ\u00f3mica dos municipios, convert\u00e9ndose nunha gran oportunidade para que a xente co\u00f1eza o potencial do noso territorio, neste caso, da Veiga\u201d. Ademais, o presidente do Inorde destacou o gran traballo que sup\u00f3n organizar este tipo de eventos polo que \u201cagradezo que a propia veci\u00f1anza se implique no desenvolvemento dos territorios, sobre todo a mocidade, e contin\u00faen a apostar polos nosos pobos, xa que \u00e9 a maneira de que afrontemos xuntos o reto demogr\u00e1fico\u201d.<\/p>\n\n\n\n

Neste mesmo sentido, o alcalde da Veiga dixo que o \u201cprotagonismo desta iniciativa \u00e9 todo para a mocidade da Veiga de \u201cEspazo Carrilano\u201d por ser os promotores absolutos desta idea, que demostra o arraigo que senten todos eles polo noso pobo e, por elo, son un exemplo claro de que se hai m\u00e1s persoas coma eles, hai m\u00e1is pobos vivos\u201d.<\/p>\n\n\n\n

As\u00ed mesmo, Juan Anta convidou a todo o mundo (amateur e profesionais) a participar nesta primeira edici\u00f3n e lembrou que \u201ctodo aquel que ve\u00f1a a A Veiga por este motivo ter\u00e1 a oportunidade de gozar dun plan perfecto de fin de semana grazas \u00e1 variada oferta tur\u00edstica que van atopar no noso territorio\u201d.<\/p>\n\n\n\n

I edici\u00f3n da \u201cGran Carreira de Carrilanas\u201d<\/strong><\/p>\n\n\n\n

Paralelamente \u00e1 propia carreira, o evento comezar\u00e1 cunha serie de obradoiros centrados na construci\u00f3n das carrilanas, dirixidos, fundamentalmente, \u00e1 xente do municipio, explicou Marcos Porto. E, o vindeiro 8 de outubro, celebrarase a carreira propiamente de carrilanas, aberta a todo o p\u00fablico. A carreira ter\u00e1 d\u00faas fases: a primeira ser\u00e1 a fase sen federar pensada para correr dunha maneira m\u00e1is informal, a\u00ednda que a organizaci\u00f3n ofrece a posibilidade de poder competir por unha serie de premios; e a segunda fase da carreira ser\u00e1 federada, onde pilotos con m\u00e1is experiencia competir\u00e1n de maneira oficial no Campionato Galego, explicou Marcos Porto.<\/p>\n\n\n\n

Neste momento, \u201ccontamos xa con 7 equipos na modalidade amateur, incluso sen haber comezado a divulgar o evento, polo que esperamos contar na primeira fase con 10-12 equipos nesta fase, e na parte competitiva podemos ter unha vintena de equipos federados porque \u00e9 afluencia que soen ter este tipo de eventos\u201d, sinalou Marcos Porto.<\/p>\n\n\n\n

\u201cA finalidade principal de todo o evento \u00e9 crear movemento no municipio e atraer ao mesmo tempo xente doutros lugares, xa que como acontece en moitos outros sitios do rural a afluencia de visitantes baixa, polo que con este tipo de eventos logramos darlle m\u00e1is vida ao noso pobo\u201d, engadiu o representante de \u201cEspazo Carrilano\u201d.<\/p>\n\n\n\n