Hoxe presentouse no Balneario de Arnoia a proba deportiva ARNOIA TERMAL SPORTS. A natación, o ciclismo e o atletismo volveran a xuntarse en dúas xornadas espectaculares que contemplan un apretado calendario de esixencias físicas.
O Balneario de Arnoia, acollerá a fin de semana do 15 e 16 de agosto o denominado Arnoia Termal Sports, un tríatlon que se desenvolverá entre as xornadas do sábado e o domingo.
O sábado pola mañá, os participantes terán que completar unha travesía de augas abertas, a Termal Swim, de 1.200 ou 3.000 metros.
Ise mesmo día, xa pola tarde, disputarase a crono-escalada de bici, a Termal Bike, de 4,5 km, nun trazado que presenta rampas de ata o 22%.
Para o domingo pola mañá quedará a Termal Run, unha última proba de 8 km de carreira a pé.
Tanto na travesía como na carreira a pé organizaranse as saídas coa oportuna separación entre os participantes.
Ademais contará coa presenza de deportistas de gran nivel como o triatleta Iván Raña, campión do mundo e dúas veces de Europa e o ciclista Gustavo Veloso na crono-escalada individual.
Unha competición deportiva adaptada aos novos tempos post Covid que se disputará con todas as medidas e garantías de seguridade.
A presentación que hoxe tivo lugar no Balneario de Arnoia contou coa presenza de Rosendo Luís Fernández, presidente do Inorde; Rodrigo Aparicio, alcalde de Arnoia; Bernardino González, asesor de deportes da Deputación de Ourense; Manuel Pérez, delegado de deportes da Xunta de Galicia; Javier Soto, xerente do grupo Caldaria; Serafin Martínez, director técnico da proba; Manuel Arnoia, xerente de Adegas Alanís e Terio Carrera presentador de deportes da televisión de Galicia.
Para facer a inscrición e ver o regulamento visitar a web: