Ourense, 17 de xuño de 2025
A Deputación de Ourense, a través do Inorde, destinou un orzamento de 30.354,46 euros en axudas a oito asociacións de comerciantes da provincia que concorreron á convocatoria de axudas para as asociacións de comerciantes ou asociacións empresariais da provincia que integren comerciantes, postas en marcha por cuarto ano consecutivo por este organismo provincial, para cooperar en accións de dinamización e promoción do comercio local.
Todas as entidades solicitantes que presentaron axeitadamente a documentación resultaron beneficiarias destas axudas. Nesta ocasión, son seis as entidades beneficiarias, destas axudas que serán destinadas a realizar campañas, accións de “bonos comercio”, ou a promover prácticas que fomenten a sustentabilidade e a economía circular no tecido do comercio local.
Esta liña de axudas chega ata a 4 comarcas distintas da provincia: Valdeorras, A Limia, Maceda e Ourense.
Deste modo, a Asociación de comerciantes, empresarios, profesionais e autónomos CCA O Barco recibirá 5.600 euros para a campaña Túnel do terror – Samaín.
Asociación Empresas e Comercios Prolimia con 5.600 euros para a Feira do comercio.
Asociación Comerciantes e Industriales de la Plaza de Abastos Número 1 de Ourense con 4.588,30 euros en prol da Dinamización comercio local e productos de proximidade.
Asociación de Comerciantes, Empresarios y Profesionales del Centro Comercial Abierto de Ourense con 3.366,16 euros para actividades de dinamización comercial, fidelización e formación.
Asociación Empresarios de Valdeorras AEVA con 5.600 euros para Valdeorras Sostible II edición 2025 e a Asociación de Comerciantes e Empresarios de Maceda coa mesma cantidade para a actividade “Maceda Rasca e Gaña”: O teu comercio ten premio !
