O técnico do Centro Agroforestal do Inorde, Javier Payo, participou hoxe na xornada formativa, organizada por AGACA, sobre as oportunidades de negocio da producción de castaña. Javier Payo explicou os servizos que ofrece o Centro no que atinxe ao cultivo da castaña.
Estas xornadas están dirixidas fundamentalmente ás persoas socias de cooperativas agroalimentarias e ás vinculadas coa economía social.
O obxectivo da mesma é explicar as vantaxes e oportunidades que ofrece o emprendemento cooperativo, promover o coñecemento de novas produccións agrarias e gandeiras, impulsar a xeración de emprego cooperativo nos procesos de producción agraria e gandeira, así como fomentar a fixación de poboación no rural ao redor das cooperativas.
