O centro de interpretación Portas do Xurés, en Lobeira, acolleu o acto de entrega destes servizos que entran a formar parte do SICTED e que se suman aos que xa forman parte do destino Ourense Termal en Lobios, Muíños e Bande
Con estas novas distincións, a provincia suma xa un cento de servizos turísticos adheridos ao sistema de mellora da calidade dos destinos ourensáns
Ourense, 10 de decembro de 2024.
O xeodestino Terras de Celanova–Serra do Xurés estrea os primeiros 13 servizos distinguidos no Sistema Integral de Calidade Turística en Destino (SICTED), un proxecto de mellora continua na calidade dos destinos turísticos promovido pola Secretaría de Estado de Turismo (SETUR), co apoio da Federación Española de Municipios e Provincias (FEMP), que traballa con servizos turísticos con numerosos oficios, co obxectivo de mellorar a experiencia e satisfacción do turista.
Esta actuación está incluída no convenio entre o Instituto Ourensán de Desenvolvemento Económico (Inorde), organismo dependente da Deputación, e a Axencia de Turismo de Galicia. Estas distincións de calidade enmárcanse no obxectivo conxunto das administracións de dinamizar os xeodestinos.
O centro de interpretación Portas do Xurés, en Lobeira, acolleu o acto de entrega dos 13 servizos que entran a formar parte do SICTED e que se suman aos que xa forman parte do destino Ourense Termal en Lobios, Muíños e Bande. O presidente do Inorde e deputado de Turismo, Termalismo e Representación Institucional, Rosendo Fernández, foi o encargado de entregar as distincións aos representantes dos servizos turísticos, acompañado polo xefe da área provincial de Turismo, Cecilio Santalices.
Os 13 servizos recoñecidos co SICTED en Lobeira son: Acouga Hotel Boutique; Berta María López Paz, Casaberta, Café bar Novo América, Hotel Celanova, restaurante Alquimia, Casa da Fonte, restaurante Casa Ramirás, Casa Ramirás, Celanova House, mesón Vieira, Porta do parque de Lobeira e restaurante O Muiñeiro.
Con estas 13 novas distincións, a provincia suma xa un cento de servizos turísticos adheridos ao SICTED para mellorar a calidade dos destinos ourensáns.
