O Centro de Desenvolvemento Agrogandeiro do Inorde, situado en Xinzo de Limia, recibiu a visita do alumnado do módulo de xardinería do obradoiro “Couto Mixto”, organizado polos Concellos de Baltar, Calvos de Randín e Os Blancos.
A visita ao centro permitiulle ao alumnado coñecer mellor os labores que alí se desenvolven de apoio e asesoramento ó sector primario, así como a importancia que ten realizar análises de solo para lograr un correcto desenvolvemento dos cultivos, tanto agrícolas como no que atinxe ó obradoiro en relación á xardinería e xestión de espazos públicos.
