Alumnado do grao de Enxeñaría Agrícola do Campus de Lugo -pertencente á USC- visitou as instalacións do Centro de Desenvolvemento Agrogandeiro do Inorde, en Xinzo de Limia.
Acompañados do profesor da área de Producción Vexetal, Benigno Ruiz Nogueiras, os alumnos coñeceron in situ os labores que realiza o centro, especialmente, no referente aos traballos de análises de solo do laboratorio e os ensaios que se desenvolven na finca Antela do Inorde, encamiñados á reducción de fertilizantes, xestión sostible das pragas e enfermidades e do emprego de produto biosostibles como alternativas ós métodos máis convencionais.
Por outro lado, os participantes na xornada puideron afondar na agricultura que se desenvolve na Limia a través das visitas que realizaron a “Gallega de Patatas”, ao Consello Regulador da IXP Pataca de Galicia e ás instalacións de bombeo da Comunidade de Regantes Antela.
