Ourense, 22 de setembro de 2023.- O Centro de Desenvolvemento Agrogandeiro recibiu a
visita dos participantes no 52 Seminario de Técnicos e Especialistas en Horticultura, organizado
pola Escola Politécnica Superior de Enxeñaría do Campus Terra da Universidade de Santiago de
Compostela. O grupo participante estaba integrado por asesores técnicos, especialistas en
horticultura, investigadores de centros públicos e privados, persoal de Consellerías de
Agricultura de todo o Estado, oficinas agrarias comarcais e Universidades, representantes de
empresas e outros profesionais do sector agroalimentario español.
Durante a visita ás instalacións que ten a Deputación de Ourense a través do Inorde en Xinzo de
Limia tiveron a oportunidade de coñecer o estado do sector primario provincial, así como as liñas
de actuación coas que este organismo está a potencialo.
A visita aos campos de demostración e ensaio que o Centro Agrongadeiro mantén na Limia
coñeceron polo miúdo os proxectos que está a executar o organismo provincial en materia de
dixitalización aplicada a agricultura (instalación de sistemas de aviso para a optimización do
control de pragas e a sensorización na práctica do regadío) e ao emprego da economía circular
como medio para aumentar a sustentabilidade tanto económica como medioambiental das
explotacións agrícolas.
