Centro Agrogandeiro

O Centro de Desenvolvemento Agrogandeiro do Inorde, situado no Concello de Xinzo de Limia, é o laboratorio no que os agricultores e produtores da provincia acoden na procura de apoio e asistencia técnica ao seu traballo. O Centro naceu coa vocación de dotar de ferramentas técnicas aos profesionais do sector primario á hora de facer o seu labor esencial de abastecer de alimentos á sociedade; por iso, as analíticas de solo e o posterior asesoramento técnico, permítelles xestionar dun xeito sostible as súas explotacións.

Explotacións que serán sostibles desde o punto de vista económico ao optimizar os recursos, que lles asegure a producción coa máxima calidade e sostible desde o punto de vista medioambiental ao garantir un respecto absoluto ao medio natural.

Neste mesmo sentido, cabe recordar que a través do proxecto “Circular Labs – Promovendo o espírito empresarial para a economía circular no espazo ibérico” (cofinanciado polo FEDER a través do Programa INTERREG V-A España-Portugal (POCTEP) 2014-2020), dotouse ao debandito centro dun “Rural Lab”. Infraestructura que se atopa a disposición dos produtores da provincia co obxectivo de que lles sirva de revulsivo de cara á transformación do sector primario para acadar unha mellor e maior optimización da xestión dos recursos.

As labores que realiza o Centro son as seguintes

Investigación e xenética

– Adaptación de 150 novas variedades de pataca.
– Reducción dos ínsumos nos cultivos de pataca e cereal mediante a aplicación de novas técnicas de fertilización, variedades adaptadas ó medio, fomento da biodiversidade, movilización de nutrintes.
– Aspectos produtivos dos cultivos de pataca, cereal e millo.
– Ensaio, introdución e implantación de novos cultivos (herbas aromáticas, pequenos froitos, cultivos enerxéticos…).

Análise

– Físico-químicos do solo, de abonos orgánicos e de augas de regadío.
– Foliares de todo tipo de cultivos (pataca, vide, horta, etc.)
– Fitopatolóxicos de insectos de solo (globodera rostochiensis, globodera pallida).
– Fitopatolóxicos en diversos cultivos.
– De cualidade da pataca: aptitude para frito, cocción, contido en materia seca, amidón e azucres reductores.

Asesoría técnica

– Recomendacións de fertilización
– Constitución, mantemento e desenvolvemento de cultivos.
– Fomento da biodiversidade nos cultivos
- Desenvolvemento de proxectos de economía circular

Análises do solo

O Centro de Desenvolvemento Agrogandeiro pon a disposición dos agricultores un servizo de análisi de solos encamiñado a aumenta a rendabilidade económica e medioambiental das explotacións ourensás. Iste centro atópase amparado pola certificación na norma UNE-EN ISO/IEC 17025 que outorga a ENAC.
Procedemento toma de mostras
Datos Identificativos